Vecchia Valganna

Passaggio in paese

Una delle poche foto con il tram a Brebbia !

EL TRAM D’ANGERA

L’era ora e poeu ora, finalment
che se trovass manera
de podé andà con comod anca a Angera
senza dové fà prima el testament!

Me regordi – in colêg – fin de bagai
che razza d’on sconquass
quand s’è trattaa de andagh per andà a spass
impignaa sui vicciûr a trii cavai!

L’è staa on viacc de quij che lassa el segn
per i bellezz veduu
e per la sobbatuda ai ciapp del cuu
dopo tant sballottà sui banch del legn.

Gh’hoo in ment anmò la Rocca, el San Carlon,
el travers faa in barchett,
la colazion sul praa – quanti michett!! –
e el lagh immenso, che m’ha faa impression!

N’é passaa d’ann, d’alora a vegnì adess!
Ma a fà sta passeggiada
ghe voeur, scommetti, quasi una giornada
anca incoeu, malastant el grand progress.

Sia donca benedetta sta tramvia
e speremm per lo men
che nò ghe giuga intorna – a fin de ben –
per ingranalla, la Burocrazia!

Coi pee de piomb di nost Autoritaa
ch’hin d’on pês madornal
el sarà già on bel fatto original
s’el tramm d’Angera el resta no… ingeraa!


Speri Della Chiesa Jemoli
1912

Eh, eh, acuto e saggio il grande Speri Della Chiesa Jemoli...